21-vjeçari sulmon kolegët me thikë në Gjermani, humb jetën një person

Një burrë ka sulmuar me thikë kolegët e tij në një kompani në Gjermani, duke shkaktuar vdekjen e një personi dhe plagosjen e dy të tjerëve, njoftuan autoritetet të martën.

Ngjarja ndodhi në Mellrichstadt, një qytezë e vogël në lindje të Frankfurtit. Sipas raporteve të AP, një 21-vjeçar është arrestuar nga policia pas sulmit.

Policia mori njoftimin për incidentin në mëngjesin e së martës, në ambientet e një furnizuesi lokal të energjisë elektrike. Si pasojë e sulmit, një grua 59-vjeçare humbi jetën, ndërsa dy burra të moshave 55 dhe 62 vjeç pësuan lëndime të rënda.

Në këtë fazë, ende nuk është e qartë motivi i sulmit. Policia po heton për rrethanat dhe shkaqet e mundshme të ngjarjes.