12 zyrtarë të SHKK-së mund të suspendohen nga puna
Shërbimi Korrektues i Kosovës ka suspenduar një gardian të Burgut të Sigurisë së Lartë.
Arsyeja që dërgoi te ky vendim është që gardiani dyshohet se shtiu me armë gaz gjatë kohës sa ishte në detyrë zyrtare.
Përveç kësaj, janë iniciuar procedura disiplinore ndaj edhe 12 zyrtarëve korrektues, të cilët dyshohen se kanë shtënë me armë gjatë një ahengu privat disa ditë më parë.
SHKK njofton se është në pritje të raportit të Prokurorisë për të ndërmarrë masat e nevojshme.
“Shërbimi Korrektues i Kosovës mbetet i përkushtuar ndaj respektimit të ligjit, ruajtjes së integritetit institucional dhe garantimit të standardeve më të larta profesionale në përmbushje të misionit të saj”, thuhet në reagimin zyrtar.
