Ekskluzive: E kërcënoi gazetaren me mesazhe dhe thirrje – arrestohet i dyshuari në Prishtinë

Një gazetare nga Prishtina është kanosur rëndë përmes mesazheve, thirrjeve dhe kërcënimeve me vrasje nga një person i panjohur, duke u bërë objekt i një shqetësimi të vazhdueshëm.

Burime të sigurta të Sinjalit bëjnë me dije se rasti është raportuar më 29 qershor 2025, në Stacionin Policor “Qendra”.

Viktima, K.Sh., 23 vjeçare, ka deklaruar se ndjehet e kërcënuar në mënyrë të vazhdueshme nga një person që nuk e njihte.

Pas veprimeve hetimore të ndërmarra nga Drejtoria për Hetime në Kryeqytet, më 3 korrik është identifikuar dhe arrestuar i dyshuari E.J., 22 vjeçar.

I njëjti është intervistuar në prani të avokatit mbrojtës dhe me urdhër të Prokurores kujdestare, është ndaluar për 48 orë.

Ndaj tij është iniciuar rasti “Kanosje” dhe hetimet janë në vazhdim.