E dhimbshme: Mësuesi Liman Shehu, humb jetën në një aksident tragjik

Personi që shikoni në foto është Liman Shehu, mësuesi i nderuar që humbi jetën sot në një aksident tragjik në Kukës.

Aksidenti që i mori jetën mësuesit 65-vjeçar ndodhi pasditen e sotme në fshatin Gryk-Çajë.

Sipas informacioneve paraprake, z. Shehu humbi kontrollin e automjetit tip “Fiat”, duke bërë që mjeti të dalë nga rruga. Ai ndërroi jetë gjatë transportimit me ambulancë për në spital, për shkak të plagëve të rënda të marra.

Liman Shehu ishte një figurë e njohur për komunitetin e Çajës, një mësues i përkushtuar dhe i dashur për nxënësit dhe kolegët.

Në rrjetet sociale, banorë të fshatit kanë ndarë me dhimbje lajmin e ndarjes nga jeta të profesor Shehut, duke e përshkruar si një njeri të urtë, me zemër të madhe, që ka dhënë një kontribut të çmuar në edukimin e brezave.

“Një njeri i mirë, i qetë, shembull për të gjithë ne. Çajë humbi një njeri të rrallë sot”, shkruajnë ata.

Ngjarja ka shkaktuar tronditje në komunitetin lokal, ndërsa policia ka nisur hetimet për të sqaruar rrethanat dhe shkaqet e aksidentit.

Postimi i plotë:
Me hidhërim të thellë njoftojmë ndarjen nga jeta të profesor Liman Shehu, mësues i nderuar i fshatit Çajë, Kukës.
Teksa udhëtonte drejt vendlindjes së tij, automjeti me të cilin po lévizte ka dalé nga rruga, dhe per pasojë nga ky aksident tragjik, ai ka humbur jetën.
Liman Shehu do të mbahet mend si një figurë e përkushtuar e arsimit dhe edukimit në zonën e Çajës aty si një mësues i dashur për nxënësit dhe i respektuar nga kolegët.
Ngushëllimet me të sinqerta familjes Shehu, të afërmve dhe gjithe kolektivit te mësuesve qe patën fatin ta kishin pranë në vite.

U prehsh ne paqe, profesor.