“Dilni nga shtëpia” – Bashkëshorti i dehur përzë gruan dhe vajzën në mes të ditës

Një tjetër rast i dhunës në familje është raportuar mbrëmjen e djeshme në fshatin Medvec të Lipjanit, ku një grua dhe vajza e saj e mitur janë detyruar të largohen nga shtëpia pas një përballjeje të ashpër me bashkëshortin e tyre.

Burime të Gazetës Sinjali bëjnë të ditur se rreth orës 18:40, Sh.B 47 vjeçare ka raportuar në Polici se bashkëshorti i saj, R.B 49 vjeçar, është kthyer në shtëpi nën ndikim të alkoolit dhe ka kërkuar me forcë që ajo dhe vajza e tyre A. B 18 vjeçare ta lirojnë shtëpinë.

Për të shmangur përshkallëzimin e situatës, nëna dhe vajza janë larguar nga banesa dhe janë strehuar tek motra e saj në Lipjan, ndërsa kanë kërkuar ndihmën e Policisë.

Në rast është përfshirë Njësia për Hetimin e Dhunës në Familje dhe Qendra për Punë Sociale. Pas konsultimit me Prokurorin kujdestar, është iniciuar rasti “Dhunë në familje”, ndërsa procedura do të zhvillohet në gjendje të lirë.

Hetimet janë në zhvillim.