Mustafa i LDK-së i drejtohet VV-së: Mjaft me show

Deputeti i Lidhjes Demokratike të Kosovës, Besian Mustafa, ka reaguar menjëherë pas nisjes së seancës konstituive të Kuvendit të Kosovës, duke i bërë thirrje Lëvizjes Vetëvendosje që të rikthehet në kornizën kushtetuese për të tejkaluar bllokadën institucionale, shkruan Gazeta Sinjali.

“LDK e ka një propozim. Ju lutem kthehuni në kornizën kushtetuese ta tejkalojmë këtë show dhe cirk politik që po e bëni tash e 43 herë,” deklaroi Mustafa nga foltorja e Kuvendit.

Thirrja e tij vjen pas më shumë se 40 përpjekjeve të pasuksesshme për konstituimin e legjislaturës së re, ku ende nuk është zgjedhur kryetari i Kuvendit.