E mitura në Podujevë dërgohet në strehimore – Dyshohet se kanosi nënën
Një rast i ndjeshëm kanosjeje brenda familjes është raportuar mbrëmjen e së hënës në komunën e Podujevës, ku një nënë ka denoncuar vajzën e saj të mitur për kanosje dhe tentim sulmi.
Pas pranimit të rastit, e mitura është intervistuar në prani të avokatit mbrojtës dhe përfaqësuesit të Qendrës për Punë Sociale. Gjatë intervistimit, ajo ka pranuar se ka pasur fjalosje me nënën, por ka mohuar kanosjen.
Lidhur me rastin është njoftuar Prokurorja kujdestare, e cila ka urdhëruar inicimin e rastit “Kanosje” dhe ka vendosur që e dyshuara të dërgohet në strehimore për mbrojtje të përkohshme.
Rasti aktualisht është nën hetim nga organet kompetente, ndërsa Sinjali do të sjellë informacione shtesë në vijim.
