Duda Balje para seancës për konstituimin e Kuvendit: Absolutisht asgjë nuk pres

Deputetja nga komuniteti boshnjak, Duda Balje, është shprehur pesimiste për ndonjë zhvillim të ri para nisjes së seancës së 44-të për konstituimin e Kuvendit të Kosovës.

Në një prononcim për media, ajo theksoi se mungon një marrëveshje politike mes palëve, dhe se presioni i ditëve të fundit nuk ka prodhuar ndonjë ndryshim në qëndrime.

“Absolutisht kurgjo nuk pres. Nuk e besoj se kemi me ndryshu, pavarësisht se çdo ditë presioni është i fuqishëm. Nuk besoj se ka ndonjë marrëveshje dhe nuk besoj se kanë folur mes vete ata që duhet me u ulë dhe me vazhdu drejt. Edhe nuk pres kurgjo”, tha Balje.

Kujtojmë se Kosova ndodhet në një bllokadë institucionale që nga zgjedhjet e 9 shkurtit, për shkak të moskonstituimit të Kuvendit, që po pengon edhe formimin e Qeverisë së re.