Mostrat e Agon Zejnullahut dërgohen për analizë jashtë Kosovës
Mostrat për analizë toksikologjike të Agon Zejnullahut janë dërguar jashtë vendit, për shkak të mosfunksionimit të Laboratorit të Toksikologjisë në Institutin e Mjekësisë Ligjore në Prishtinë.
Ato janë dërguar të mërkurën në Maqedoninë e Veriut, raporton televizioni Tëvë1.
Analizat pritet të dëshmojnë për praninë e sasisë së alkoolit apo drogave që kanë mundur të jenë në trupin e 27-vjeçarit, i cili vdiq të hënën në orët e para të mëngjesit.
Gjaku është mostra kryesore e analizës toksikologjike.
Të hënën, në njoftimin e parë, Policia e Kosovës tha se Zejnullahu dyshohet se ishte nën ndikimin e alkoolit duke sulmuar automjete e kalimtarë kur u ndalua nga zyrtarët policorë.
