I riu kapet në flagrancë me drogë

Përdorimi i substancave narkotike është bërë një dukuri që po vazhdon të ritet në Kosovë, pasi pothuajse çdo ditë, Policia raporton për raste kur të rinjtë kapen duke bërë shitblerje ose duke konsumuar substance narkotike.

Një rast i tillë ka ndodhur mbrëmë pas mesnate, ku patrulla e Policisë ka hasur në tre të rinj në parkun e qytetit në Vushtrri.

Burimet e Gazetës Sinjali njoftojnë se të dyshuarit janë kontrolluar dhe te njëri nga ta është gjetur një sasi e narkotikëve, disa rizlla si dhe mullinj të cilët dyshohet se përdoren për bluarjen e marihuanës.

Të dyshuarit që ndodheshin aty u shoqëruan në stacion policor, ndërsa sasia e drogës që u kap u sekuestrua. Personi tek i cili është gjetur droga është intervistuar në cilësinë e dyshuarit, ndërsa dy të tjerët janë intervistuar në cilësinë e dëshmitareve

Me urdhër të Prokurorit, ndaj 24-vjecarit është iniciuar rasti për veprën “Posedim i paautorizuar i narkotikëve dhe substancave psikotrope ose analoge”.