Shkolla Teknike furnizohet me kabinet për instalim të ngrohjes, klimatizim, ujësjellës dhe automekanikë

Në bashkëpunim me Organizatën Ndërkombëtare për Migrim (IOM) në kuadër të Programit të Bashkimit Evropian për Stabilizimin e Komuniteteve sot është bërë furnizimi me kabinet për instalim të ngrohjes dhe klimatizim, ujësjellës dhe automekanikë për IAAP “Fan S. Noli” në Podujevë.

Zbatimi i këtij programi në Podujevë përfshin mbështetje financiare dhe teknike për ngritjen e kapaciteteve arsimore dhe zhvillimin e aftësive profesionale për nxënësit e shkollave profesionale.

Vlera e projektit është 12,964.00 euro, nga të cilat 10,000.00 euro do të financohen nga Zyra e Bashkimit Evropian në Kosovë, ndërsa 2,964.00 euro janë financim i Komunës së Podujevës.

Në këtë ceremoni i pranishëm ishte edhe Drejtori i Arsimit, Avni Fetahu, i cili i falënderoi përfaqësuesit e IOM-it dhe Zyren e Bashkimit Evropian në Kosovë për bashkëpunimin e frytshëm dhe mbështetjen e vazhdueshme në projekte të ndryshme për përmirësimin e kushteve në institucionet arsimore në Podujevë.

10.07.2025, Podujevë
Zyra për Marrëdhënie me Publikun dhe Informim