Duke djegur mbeturina, dogji 7 hektarë grurë – Arrestohet nga Policia
Një incident me pasoja të konsiderueshme është shënuar në fshatin Sllatinë e Poshtme të komunës së Vitisë, ku një zjarr i shkaktuar nga pakujdesia ka përfshirë një sipërfaqe të madhe toke me kulturë gruri.
Për këtë rast, Policia e Kosovës arrestoi një 27 vjeçar, i cili dyshohet se shkaktoi zjarrin.
Si pasojë, janë djegur 7 hektarë tokë të mbjellë me grurë, ndërsa vlera e dëmit sipas ankuesit llogaritet rreth 5 mijë euro.
Zjarrfikësit dhe patrulla policore kanë intervenuar për të lokalizuar zjarrin, ndërsa falë pamjeve të kamerave të sigurisë në afërsi të lokacionit, njësia hetimore ka arritur të identifikojë të dyshuarin.
I njëjti është intervistuar në prani të avokatit ka pranuar fajësinë, duke deklaruar se nuk kishte qëllim ta përhapte zjarrin.
