Blerta Deliu: RTK po censuron deputetët e ish-opozitës
Ka dështuar për herë të 46-të konstituimi i Kuvendit të Kosovës.
Pas dështimit për konstituim, deputetët e PDK-së, LDK-së dhe AAK-së qëndruan në sallën e Kuvendit për ta vazhduar seancën, por RTK-ja menjëherë ndërpreu transmetimin.
Për këtë gjë ka reaguar deputetja e Kuvendit të Kosovës nga Partia Demokratike, Blerta Deliu.
Më poshtë postimi i saj:
RTK po censuron deputetët e ish-opozitës!
Edhe sot, RTK e ndërpreu transmetimin live nga salla e Kuvendit pikerisht në momentin kur deputetët e PDK-së, LDK-së dhe AAK-së po mbanin fjalimet e tyre, njëjte siç ka vepruar tashme 46 herë me radhë edhe kryesuesi i seancave, Avni Dehari.
Kjo nuk është rastësi. Ky është akt i pastër censure, i koordinuar me kryesuesin e seancave, Avni Deharin.
Ndërprerja selektive e transmetimeve është një akt politik dhe i qëllimshëm, që synon të heshtë zërin kritik.
