Arrestohet 18 vjeçari që dogji 2 hektarë grurë

Rreth orës 14:00 të ditës së sotme, në fshatin Sfaraqak të Vushtrrisë është raportuar për një zjarr që kishte përfshirë një arë me grurë, shkruan Mitropol.

Zjarri u lokalizua pas ndërhyrjes në vendin e ngjarjes nga njësitet policore.

Sipas informacioneve të siguruara nga hetimet fillestare, një 18-vjeçar dyshohet se kishte ndezur zjarr në disa mbeturina pranë zonës, duke shkaktuar përhapjen e flakëve në një sipërfaqe prej rreth dy hektarësh me grurë dhe një hapësirë të madhe me hamullore.

I dyshuari është shoqëruar për intervistim dhe ka pranuar veprimin e tij.

Pas procedurave, me urdhër të prokurorit kujdestar, ai është liruar në procedurë të rregullt. Ndaj tij është iniciuar rasti “Zjarrvënie”.