Dënohen të akuzuarit për rastin “Veteranët”, përfshirë ish-kryeministrin Çeku

Gjykata Themelore në Prishtinë ka shpallur vendimin për rastin e njohur si ‘Veteranët’.

Në këtë rast, për keqpërdorim të detyrës zyrtare akuzohen ish-kryeministri Agim Çeku, ish-ministri i Mbrojtjes, Rrustem Berisha, ish-deputeti Shkumbin Demalijaj, Nuredin Lushtaku, Sadik Halitjaha, Qelë Gashi, Shukri Buja, Ahmet Daku, Faik Fazliu, Smajl Elezaj, Fadil Shurdhaj dhe Xhavit Jashari.

Gjykata vendosi që të gjithë të dënohen me nga 1 vit burgim, përveç Nuredin Lushtakut dhe Smajl Elezajt që u liruan nga akuzat.

Ata akuzohen se, si anëtarë të Komisionit Qeveritar për Njohjen dhe Verifikimin e Statusit të Veteranëve të Ushtrisë Çlirimtare të Kosovës, kanë vepruar në kundërshtim me ligjin duke ua mundësuar dhe njohur personave të tjerë statusin e veteranit të UÇK-së, me qëllim që ata të përfitojnë në mënyrë të kundërligjshme.