Katër viktima nga shpërthimi i avionit në një aeroport në Londër
Një avion i vogël është përplasur duke shpërthyer në flakë, pasditen e së dielës në Aeroportin Southend në Londër.
Sipas policisë së Essex, avioni 12-metërsh ka shpërthyer në flakë në pjesën veriore të zonës së Southend-on-Sea, ndërsa bëhet e ditur se kompania holandeze Zeusch Aviation ka konfirmuar se ishte fluturimi i saj SUZ1 i “përfshirë në një aksident”, raporton BBC.
Edhe pse deri më tani nuk është konfirmuar zyrtarisht numri i viktimave, burime të mëparshme sipas mediave kanë njoftuar se bëhet fjalë për katër persona të vdekur, dy pilotë dhe dy pasagjerë.
Raportohet se aeroporti Southend mbetet i mbyllur deri në një njoftim të dytë, ndërsa po zhvillohen hetimet mbi shkaqet e aksidentit.
