E kërcënoi motrën me armë pas rikthimit te burri

Një rast i rëndë familjar është iniciuar nga Policia e Kosovës, ku një 22-vjeçare ka denoncuar kërcënimin me armë nga ana e vëllait të saj, vetëm pak orë pasi ishte kthyer për të jetuar me bashkëshortin.

Burime të Gazetës Sinjali bëjnë me dije se ngjarja ka ndodhur më 12 korrik, në rrugën “Simon Shiroka” në Prishtinë, por është denoncuar më 14 korrik 2025.

E reja A.G., ka deklaruar se pas ndarjes nga bashkëshorti, të nxitur nga presioni familjar, kishte qëndruar për një periudhë te familja e saj. Por kur vendosi të kthehej te burri, vëllai i saj, A.D., dyshohet se e kërcënoi me armë zjarri në një moment tensioni.

Në bazë të urdhrit të Prokurores kujdestare, është kryer një kontroll në banesën e të dyshuarit, por nuk është gjetur asnjë armë. I dyshuari është intervistuar dhe më pas është liruar në procedurë të rregullt, ndërsa Prokuroria ka inicuar rastin “Kanosje”.

Policia ka intervistuar edhe nënën e viktimës si dëshmitare, ndërkohë që në rast janë përfshirë edhe Qendra për Punë Sociale dhe Njësia për Mbrojtjen e Viktimave.

Hetimet janë duke vazhduar.