Drejtori i Arsimit në Podujevë: Sindikata ta bëjë kompensimin për mësimdhënësit grevistë (VIDEO)
Qeveria e Kosovës ka vendosur të mos i paguajë mësimdhënësit që kanë qenë në grevë gjatë shtatorit.
Në lidhje me këtë, drejtori i Arsimit në Komunën e Podujevës, Avni Fetahu, ka thënë se ndoshta SBASHK-u duhet t’i paguajë me mjetet buxhetore që ka grumbulluar, njofton Klankosova.tv.
“Është dashur edhe sindikata, me mjetet buxhetore që i ka grumbulluar me vite, të gjejë variantin më të mirë të mundshëm, siç ndodh rëndom në botë, të bëhet kompensimi edhe nga sindikatat, për ata që po i quajmë me kryeneçësi kanë vazhduar të qëndrojnë në grevë”, ka thënë Fetahu.
“Në administratë kanë marrë pagat dhe kanë dalë listat, derisa në sektorin e arsimit jo, mirëpo, siç e dini dhe në muajin e kaluar, me ligj është e rregulluar që deri më datën 5 ka hapësirë ligjore Ministria e Financave të veprojë”.
