33 orë pa rrymë në këtë fshat

Banorët e fshatit Vidomiriq në komunën e Mitrovicës janë përballur me një ndërprerje të gjatë të energjisë elektrike, e cila ka zgjatur plot 33 orë.

Kjo situatë ka shkaktuar shqetësim të madh tek banorët, të cilët thonë se po përballen me vështirësi të mëdha, sidomos për shkak të temperaturave të larta dhe mungesës së kushteve elementare për jetë të përditshme.

Nga ana tjetër, KEDS ende nuk ka dhënë një sqarim publik lidhur me arsyen e kësaj ndërprerjeje kaq të gjatë në këtë zonë.

Banorët kërkojnë që situata të zgjidhet urgjentisht dhe të merren masa për të mos u përsëritur raste të tilla në të ardhmen.