Digjet lokali, bëhet shkrum e hi, dyshohet se ndodhi për shkak të rrymës elektrike

Një zjarr ka përfshirë një lokal në qytetin e Korçës rreth orës 03:00 të mëngjesit të sotëm, përballë shkollës “Sotir Gurra”.

Sipas informacioneve paraprake, dyshohet se shkak i zjarrit ka qenë një defekt në sistemin elektrik. Flakët u përhapën me shpejtësi në ambientet e brendshme të lokalit, duke shkaktuar dëme të konsiderueshme në pajisjet dhe mobilimin që ndodheshin brenda.

Në vendngjarje ndërhynë tre mjete zjarrfikëse, të cilat arritën të vinin situatën nën kontroll dhe të shuajnë plotësisht flakët.

Fatmirësisht, nga zjarri nuk raportohet për persona të lënduar. Ndërkohë, policia nuk ka reaguar ende për këtë ngjarje.