Ekskluzive: Ky është i arrestuari që u kap me kokainë, thikë dhe mbi 4 mijë euro në taxi

Gazeta Sinjali sjell detaje ekskluzive nga rasti i ndalimit të një personi që dyshohet për posedim të substancave narkotike dhe armëmbajtje pa leje në Prishtinë. Burime të besueshme brenda hetuesisë kanë konfirmuar se personi i arrestuar është Moisi Rama, 27-vjeç.

Ngjarja ndodhi mëngjesin e sotëm, më 19 korrik, rreth orës 04:10, në rrugën “Mon Balaj” në kryeqytet. I dyshuari po udhëtonte me një veturë taxi, kur është ndaluar nga njësi të policisë.

Gjatë kontrollit fizik ndaj tij, Policia ka zbuluar: Një sasi të dyshuar të kokainës, një thikë të mprehtë, një palë gërshërë, dhe shumën prej 4,010 euro në para të gatshme

Prokurori i krimeve të rënda ka urdhëruar bastisje në dy lokacione, përfshirë shtëpinë e të dyshuarit dhe vendin ku dyshohet se është blerë droga, por gjatë kontrolleve nuk është gjetur ndonjë material shtesë inkriminues.

Pas intervistimit, me vendim të prokurorit, Moisi Rama është dërguar në mbajtje për 48 orë, nën dyshimin për: Posedim i paautorizuar i narkotikëve, Armëmbajtje pa leje (thikë).