Dalin pamjet: Motori shpërtheu në flakë gjatë ngritjes, avioni me 300 persona bëri ulje emergjente
Një avion i kompanisë Delta Airlines, Boeing 767-400, u përfshi nga flakët në motorin e majtë pak pasi u ngrit nga Aeroporti Ndërkombëtar i Los Angeles-it, më 18 korrik.
Sipas pamjeve që u përhapën në rrjetet sociale dhe kanalin YouTube LA Flights, flakët ishin të dukshme në motorin e majtë të avionit, i cili po udhëtonte për në Atlanta.
Një zëdhënës i Delta Airlines deklaroi se fluturimi DL446 u kthye menjëherë në Los Angeles pas një sinjali për problem me motorin e majtë. Avioni me rreth 300 persona në bord, përfshirë 282 pasagjerë, 10 staf fluturimi dhe 2 pilotë, realizoi një ulje emergjente në mënyrë të sigurt në LAX.
Raportet e radarit tregojnë se avioni fluturoi përkohësisht mbi Oqeanin Paqësor dhe më pas bëri rrethime mbi zonat e Downey dhe Paramount për t’u përgatitur për uljen emergjente. Pas incidentit, Autoriteti Federal i Aviacionit në SHBA (FAA) ka nisur hetimet për të zbuluar shkakun e zjarrit në motor.
Pasagjerët dhe ekuipazhi u evakuuan pa dëmtime, ndërsa fluturimi u përfundua në mënyrë të sigurt. Avioni është rreth 25 vjeç dhe është i pajisur me dy motorë General Electric CF6.
Hetimet vazhdojnë për të përcaktuar shkakun e incidentit.
Më poshtë pamjet:
