E dhimbshme: Mërgimtari i jep fund jetës

Një ngjarje e rëndë ka ndodhur sot paradite në qytetin e Prizrenit, ku një burrë ka ndërruar jetë si pasojë e plagëve nga arma e zjarrit.

Një person qëlloi veten me armë zjarri.

Pavarësisht përpjekjeve të stafit mjekësor për ta shpëtuar, ai nuk ka arritur t’u mbijetojë plagëve dhe është konstatuar i vdekur.

Burimet e Sinjalit brenda Policisë bëjnë me dije se bazuar në informacionet fillestare dhe dëshmitë nga vendi i ngjarjes, dyshohet se bëhet fjalë për vetëvrasje me armë personale.

Në vendin e ngjarjes kanë dalë njësitë relevante policore, hetuesit dhe ekspertët e kriminalistikës, ndërsa me urdhër të Prokurorit të Shtetit, trupi i pajetë është dërguar për obduksion në Institutin e Mjekësisë Ligjore.

Hetimet lidhur me rastin janë duke vazhduar dhe autoritetet janë duke punuar për zbardhjen e plotë të rrethanave.