Raporto 24 raportoi për vdekje në argjendari, Klan Kosova raporton për vjedhje

Para pak orësh, Raporto 24 raportoi për të vdekur në një argjendari në Prishtinë.

E vërteta po del të jetë ndryshe, pasi në atë argjendari nuk kishte të vdekur, por vjedhje.

Më poshtë raportimi i Klan Kosovës:

Rreth orës 09:00 të mëngjesit të sotëm ka ndodhur një vjedhje brenda një argjendarie në rrugën “Agim Ramadani” në Prishtinë.

Rastin për Klankosova.tv e kanë konfirmuar nga policia e Kosovës.

Sipas informatave, nuk raportohet për të lënduar.

Ndërkohë lidhur me rastin, policia ka filluar një hetim për rrethanat që karakterizojnë ngjarjen, raporton Klankosova.tv.