Familja nga Kosova që u aksidentuan rëndë në Shqipëri janë jashtë rrezikut për jetë

Një aksident i rëndë ka ndodhur mëngjesin e sotëm në aksin rrugor “Shëngjin-Velipojë”, në fshatin Rrjoll, ku një drejtues automjeti nga Kosova ka humbur kontrollin dhe është përplasur me një dyqan.

Si pasojë e përplasjes, drejtuesi i automjetit dhe tre pasagjerë, të gjithë familjarë të tij, kanë pësuar dëmtime dhe janë transportuar në spital për mjekim. Fatmirësisht, ata janë jashtë rrezikut për jetën. Grupi hetimor është duke punuar për zbardhjen e shkaqeve dhe rrethanave të aksidentit.

Njoftimi:

Shkodër/Informacion paraprak

Rreth orës 07:10, në aksin rrugor “Shëngjin-Velipojë”, në fshatin Rrjoll, shtetasi kosovar J. B., duke drejtuar automjetin, dyshohet se ka humbur kontrollin dhe si pasojë automjeti ka dalë nga rruga dhe është përplasur me një dyqan.

Nga aksidenti janë dëmtuar drejtuesi i automjetit, shtetasi J. B., dhe 3 pasagjerë (familjarë të tij), të cilët janë dërguar për mjekim, në spital, dhe janë jashtë rrezikut për jetën. Grupi hetimor po punon për zbardhjen e rrethanave të aksidentit.