Kryetari Bulliqi përcjell fushatën e korrje-shirjeve

Kryetari i Komunës, Shpejtim Bulliqi, së bashku me drejtoreshën për Bujqësi, Pylltari dhe Zhvillim Rural, Lirie Hoti, kanë përcjell nga afër fushatën e korrje-shirjeve në Podujevë.

Ata sot vizituan fermerin Bujar Osmani në fshatin Balloc, i cili këtë vit ka të mbjellur 6 hektarë me grurë.

Kryetari Bulliqi e përgëzoi fermerin Osmani për punën e tij të vyer dhe uroi që fushata e korrje-shirjeve të shkojë sa më mbarë dhe fermerët të kenë rendimente sa më të begata.

Kryetari Bulliqi u zotua se si institucione lokale do të vazhdojnë t’i ndihmojnë fermerët dhe ta mbështesin bujqësinë si një sektor i rëndësishëm për zhvillimin ekonomik.

Deri tash në Podujevë janë korrur më shumë se 4 mijë hektarë me grurë dhe 25 ha me elb.

Këtë vit rendimentet e grurit sillen nga 4500-5000 kg/ha, ndërsa të elbit rreth 3500kg/ha.