Këta janë vëllezërit që dyshohet se rrahën një person
Gazeta Sinjali pak më parë raportoi për një rast të lëndimit të lehtë trupor që ka ndodhur mbrëmë, rreth orës 15:30, në fshatin Livoq i Epërm – Gjilan, ku një burrë është sulmuar fizikisht brenda shtëpisë së tij nga dy persona.
Siç raportoi Sinjali, viktima B. C., rreth 41-vjeçar ka raportuar se është sulmuar nga vëllezërit H.S., rreth 31-vjeçar dhe S.S., rreth 37-vjeçar, si pasojë e një mosmarrëveshjeje të mëhershme që kishin mes tyre. Nga sulmi, viktima ka pësuar lëndime trupore dhe ka kërkuar trajtim mjekësor emergjent.
Lidhur me këtë, Sinjali mëson ekskluzivisht bëhet fjalë për Hisen Sylën, rreth 31-vjeçar dhe Sami Syla, rreth 37-vjeçar, janë dy të dyshuarit për një rast të sulmit fizik që ka ndodhur më 22 korrik 2025, në fshatin Livoq i Epërm të Gjilanit.
Sipas burimeve të Sinjalit, 41-vjeçari ka raportuar se është sulmuar nga dy vëllezërit brenda shtëpisë së tij, si pasojë e një konflikti të mëhershëm. Nga sulmi, ai ka pësuar lëndime trupore dhe është dërguar për trajtim mjekësor.
Të dyshuarit janë shoqëruar në stacionin policor, ku janë intervistuar, ndërsa pas konsultimit me Prokuroren kujdestare është vendosur që ata të mbahen për 48 orë, ndërsa rasti është proceduar në NJHK për hetime të mëtejshme.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
