E dhimbshme: 23 vjeçarja në Shqipëri ndërroi jetë duke zbritur nga shkëmbi në plazh

Një turiste ka ndërruar jetë tragjikisht, pasi u rrëzua nga një shkëmb në Shqipëri.

23-vjeçarja po zbriste shkëmbin me litar për të zbritur në një plazh pranë Potamit.

Sipas informacioneve të siguruara e reja po mbahej nga shoku i saj, i cili në një moment nuk ka arritur ta mbajë dot. Më pas ajo ka rënë 30 metra në shkëmb.

“Në vendin e quajtur “Gjiri i Filikur”, dyshohet se gjatë zbritjes nga shkëmbi me litar, është rrëzuar aksidentalisht shtetasja holandeze M. B., 23 vjeçe, të cilës iu dha ndihma e parë mjekësore dhe u transportua me ndihmën e Policisë Kufitare, por për shkak të dëmtimeve të marra ka ndërruar jetë, njofton TCH.

Gjithashtu, si pasojë e rrëshqitjes së disa gurëve në momentin e ngjarjes, është dëmtuar dhe po merr ndihmë mjekësore në spital, shtetasja franceze J. L., 18 vjeçe, e cila ndodhej në afërsi”, raporton policia.

Grupi hetimor vijon veprimet për zbardhjen e plotë të rrethanave të ngjarjes.