Djali e kap për fyti nënën e tij

Një rast i rëndë i dhunës në familje është regjistruar të mërkurën paradite në fshatin Godanc i Epërm të Shtimes, ku një grua ka raportuar se është sulmuar nga vetë djali i saj, raporton Gazeta Sinjali.

Burimet e Sinjalit bëjnë me dije se viktima, E. A., ka deklaruar se më 23 korrik rreth orës 11:30, është kapur për fyti nga djali i saj, B. A., gjatë një momenti tensioni brenda shtëpisë.

Në momentin kritik, sipas saj, ka ndërhyrë bashkëshorti R. A. duke e ndalur më tej incidentin, pas çka i dyshuari është larguar nga shtëpia.

Të gjitha palët janë sjellë në stacionin policor, ku janë intervistuar nga njësia për dhunë në familje, ndërsa për rastin është njoftuar prokurorja kujdestare, ku me urdhër të saj, i dyshuari është ndaluar për 48 orë dhe është dërguar në Qendrën e Mbajtjes, ndërsa rasti është iniciuar si ‘Dhunë në familje’.