Dalin pamjet e aeroplanit rus të rrëzuar në pyll – Rreth 50 të vdekur

Një aeroplan pasagjerësh i tipit “Antonov An-24” me rreth 50 njerëz në të u rrëzua të enjten në lindjen e largët të Rusisë dhe të dhënat fillestare sugjerojnë se të gjithë e kanë humbur jetën, thanë zyrtarë rusë të emergjencave.

Trupi i djegur i aeroplanit, i cili i përkiste periudhës sovjetike dhe ishte gati 50 vjet i vjetër, u pa në tokë nga një helikopter dhe ekipet e shpëtimit po shkonin me nxitim në vendin e ngjarjes, raporton agjencia e lajmeve “Reuters”.

Në një video të paverifikuar, e incizuar nga një helikopter dhe e publikuar në rrjete sociale, dukej se tregonte që aeroplani ishte rrëzuar në një zonë të dendur pyjore.

Aeroplani, në bishtin e të cilit tregohej se ishte prodhuar në vitin 1976, operohej nga një kompani ajrore me bazë në Siberi, e quajtur “Angara”.

https://twitter.com/i/status/1948291026306597128