Tjetër mërgimtar gjobitet nga Policia e Kosovës

Njoftimi i Policisë:

Gjobiten me nga 1000 euro dy kundërvajtës për gara të shpejtësisë

Prizren, 25.07.2025

Me datën 24.07.2025, njësitet policore nga Stacioni Policor në Prizren, pas verifikimit të një video- regjistrimi të publikuar nga një medium, ka identifikuar dy kundërvajtës të cilët kanë bërë gara të shpejtësisë rreth orës 02:50 në një rrugë në Prizren.

Fillimisht, secilit kundërvajtës i është shqiptuar gjobë prej 500 eurosh dhe masë ndaluese për drejtimin e automjetit për 12 muaj. Pas pranimit të kundërvajtjes nga personat e përfshirë dhe në përputhje me dispozitat ligjore në fuqi, masa e ndalimit të patentë shoferit është konvertuar në gjobë shtesë prej 500 eurosh për secilin, duke e çuar shumën totale të gjobës në 1000 euro për secilin.

Policia e Kosovës apelon për respektim të rregullave të komunikacionit dhe rikujton se pjesëmarrja në gara të shpejtësisë paraqet rrezik të drejtpërdrejtë për jetën dhe sigurinë publike.