Zjarri po rrezikon shtëpitë në këtë fshat të Podujevës

Fshati Shajkoc po përballet me një situatë të rëndë për shkak të zjarreve që kanë përfshirë arat dhe tokat bujqësore të fshatit.

Me gjithë përpjekjet e një makine të zjarrfikësve që ka ardhur nga Prishtina, flakët janë ende aktive dhe po afrohen shumë pranë zonave të banuara, duke rrezikuar edhe shtëpitë e banorëve.

Banorët e fshatit po bëjnë përpjekje të mëdha me mjete rrethanore për ta ndalur përhapjen e zjarrit, në kushte të rënda dhe me rrezik të lartë.

Deri tani janë djegur qindra hektarë të tokave bujqësore, duke shkaktuar dëme të mëdha për ekonominë e familjeve të këtij fshati.

Në vendngjarje ndodhen edhe pjesëtarë të Policisë së Kosovës, por situata është jashtëzakonisht e vështirë