Shqipëria përdor dronët Bayraktar për të vlerësuar rrezikun nga vatrat e zjarrit, dalin pamjet

Shqipëria ka aktivizuar dronët Bayraktar TB2 të Forcës Ajrore për të kryer mbikëqyrje dhe vlerësim të rrezikut nga vatrat e zjarrit, të cilat po përhapen për shkak të temperaturave të larta.

Ministri i Mbrojtjes, Pirro Vengu, ka bërë të ditur se ekipet e emergjencës dhe forcat në terren janë në gatishmëri për ndërhyrje të menjëhershme, duke dhënë prioritet zonave të banuara.

“Që në orët e para të mëngjesit dronët Bayraktar TB2 të Forca Ajrore kanë realizuar mbifluturime mbi 18 vatrat aktive për të vlerësuar nivelin e riskut. Ekuipazhet e dhe efektivët tanë në terren në gatishmëri për të ndërhyrë kudo në territorin shqiptar, me përparësi në zonat e banuara”, shkroi Vengu në ‘Facebook’.