Kryetari Bulliqi reagon për zjarret në Podujevë

Ditët e fundit në Podujevë disa fshatra janë përfshirë nga zjarri.

Kryetari i Podujevës, Shpejtim Bulliqi ka reaguar në facebook me anë të një postimi.

Më poshtë postimi i tij:

Po vazhdojmë të përballemi me vatra të reja zjarri edhe në fshatrat përreth Pakashticës, si Metehia dhe Repa.

Ekipet tona janë të angazhuara maksimalisht në terren, me mbështetjen edhe të Agjencisë për Menaxhim Emergjent dhe Forcës së Sigurisë së Kosovës.

Situata është e rëndë dhe kërkon angazhim të përbashkët. U bëj thirrje qytetarëve të këtyre zonave që të tregojnë bashkëpunim me zjarrfikësit dhe policinë, në mënyrë që të parandalojmë përhapjen e mëtejshme të zjarreve dhe të mbrojmë pronat.
Jemi bashkë në këtë sfidë!