Zjarr i fuqishëm në këtë fshat të Podujevës
Një zjarr i madh ka shpërthyer sot pasdite në fshatin Godishnjak të komunës së Podujevës, duke përfshirë sipërfaqe të gjera me barishte dhe ara.
Në pamjet e siguruara nga Raporto24, shihet një tym i dendur që ngrihet mbi zonën e djegur, ndërsa flakët janë përhapur me shpejtësi.
Zjarrfikësit ndodhen në vendin e ngjarjes dhe janë duke u përballur me flakët për të parandaluar përhapjen e mëtejshme të zjarrit drejt shtëpive dhe tokave bujqësore.
Deri më tani nuk raportohet për të lënduar, por banorët lokalë janë alarmuar për shkak të afërsisë së zjarrit me zonat e banuara
Shkaqet e zjarrit mbeten të panjohura, ndërkohë që autoritetet kanë nisur hetimet.
VIDEO:
