Ekskluzive: Ky është i arrestuari për të shtënat me kallashnikov

Gazeta Sinjali ka siguruar detaje ekskluzive për një rast të ndodhur mbrëmë në fshatin Korishë të Prizrenit, ku një person është arrestuar pasi dyshohet se ka shkaktuar rrezik të përgjithshëm përmes përdorimit të armës së zjarrit.

Burimet e Sinjalit bëjnë me dije se i arrestuari është Beqë Halil Ahmetaj, 50 vjeçar i cili më 26 korrik 2025, rreth orës 22:45, ka qëlluar katër herë me armë zjarri në ajër gjatë një ahengu familjar në rrugën “Dromi i Vjetër”.

Policia ka reaguar me shpejtësi dhe pas intervenimit në vendin e ngjarjes, i dyshuari ka dorëzuar vullnetarisht armën automatike të tipit A-47, e prodhimit kinez, me një karikator dhe 10 fishekë, ndërkohë që në terren janë gjetur edhe 4 gëzhoja të shkrepura.

Njësitë e hetimeve dhe krim-tekniku i kanë sekuestruar të gjitha provat materiale. Me urdhër të Prokurorit të Shtetit, është iniciuar rasti për “Shkaktim i rrezikut të përgjithshëm” dhe “Mbajtje e paautorizuar e armës dhe municionit”, ndërsa Beqe Ahmetaj është dërguar në mbajtje për 48 orë.

Hetimet për rastin janë duke vazhduar.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.