Ekipet e shpëtimit fillojnë kërkimet për trupin në Liqen

Një person i cili është hedhur sot nga lartësia në liqenin e Ujmanit dyshohet se humbi jetën në ujë, raporton ekskluzivisht Mitropol.

Në vendin e ngjarjes kanë dalë ekipet e kërkim-shpëtimit dhe të njëjtit bënë kërkime në ujë për gjetjen e trupit të pajetë.

Për të përshpejtuar procesin e gjetjes së trupit, tek Liqeni i Ujmanit tashmë kanë arritur edhe zhytësit nga jugu.

Lajmi se një person nuk doli në sipërfaqe të ujit pasi u hodh u konfirmua për “Mitropol” nga Policia e Kosovës në regjionin e Veriut.

Petrit Fejza tha se kanë pranuar informatën se një person u hodh dhe nuk doli më nga uji, gjersa ekipet janë angazhuar për gjetjen e tij.

Në vendin e ngjarjes ndodhen edhe ekipe të shumta policore.

Kërkimet po vazhdojnë tash e më shumë se gjysmë ore.