Ky është 27 vjeçari që dyshohet se i dha fund jetës

Një ngjarje e rëndë ka ndodhur në orët e para të mëngjesit të së dielës në fshatin Malishevë të Gjilanit, ku një 27-vjeçar është gjetur pa shenja jete në oborrin e shtëpisë së tij, raporton Gazeta Sinjali.

Burimet e Sinjalit brenda emergjencës bëjnë me dije se viktima është Fisnik Hajrullahu, 27-vjeçar, i cili dyshohet se ka kryer vetëvrasje duke u varur me litar.

Rasti është raportuar në orën 07:30 nga babai i tij, i cili kishte dalë nga shtëpia rreth orës 06:30 dhe me t’u kthyer e kishte gjetur të birin të varur në një mbajtëse hekuri në oborrin e shtëpisë.

Në vendin e ngjarjes kanë dalë njësitet policore, hetuesit rajonalë, forenzika dhe prokurori kujdestar. Ekipi mjekësor ka konstatuar vdekjen në vendngjarje.

Me urdhër të Prokurorit të Departamentit për Krime të Rënda, trupi i pajetë është dërguar për obduksion në Institutin e Mjekësisë Ligjore, ndërsa rasti është iniciuar si “Hetim mbi vdekjen”.

Hetimet janë duke u zhvilluar nga Njësia për Hetimin e Krimeve të Rënda në Gjilan.