U gjet e vdekur në banesë pas zjarrit, dyshohet se gruaja u vra

Shiriti-i-Policise-se-Kosoves1

Një ngjarje e rëndë ka ndodhur këtë të hënë në Pogradec, ku një 52-vjeçare dyshohet se është vrarë në apartamentin e saj, ku më pas banesës së saj i është vënë zjarri për të fshirë gjurmët e krimit.

Fillimisht, policia njoftoi se 52-vjeçarja Kozeta Teco u gjet e pajetë në apartamentin e saj në Pogradec, ku brenda banesës u konstatuan zjarr dhe tym, dhe dyshohet se ajo kishte humbur jetën nga asfiksia e shkaktuar nga tymi.

Por ngjarja ka marrë një tjetër rrjedhë, pasi burime për Euronews Albania bëjnë me dije se dyshohet se 52-vjeçarja është vrarë, ndërsa zjarri është vendosur për të mbuluar provat e krimit.

Të njëjtat burime thonë se në trupin e 52-vjeçares është konstatuar një çarje në grykë dhe një plagë në krah dhe shen ja të tjera dhune.

Policia është rikthyer në vendin e ngjarjes dhe po punon për të mbledhur prova të tjera lidhur me dyshimet për vrasjen e 52-vjeçares Kozeta Teco.

Kujtojmë që kanë qenë banorët e zonës që pasi kanë konstatuar flakët në apartamenti ne saj kanë njoftuar menjëherë zjarrëfikëset dhe policinë që kanë mbërritur në vendin e ngjarjes ku kanë gjetur të pajetë 52-vjeçaren.

Kozeta Teco jetonte e vetme në banesën e saj.