Lajmi i fundit: Cisterna me naftë rrezikon shpërthim – rruga e bllokuar plotësisht nga Policia

Një situatë alarmante është duke ndodhur në rrugën që çon për në fshatin Dobrushë, ku një cisternë e mbushur me naftë po paraqet rrezik të madh për shpërthim.

Policia ka reaguar menjëherë duke bllokuar tërësisht qarkullimin në këtë aks rrugor. Të gjitha veturat që tentojnë të kalojnë në këtë drejtim po kthehen mbrapa dhe qytetarëve u është kërkuar që të shmangin zonën për shkak të rrezikut të lartë.

Nuk dihet ende se çfarë ka shkaktuar problemin me cisternën, por autoritetet janë në vendin e ngjarjes dhe po punojnë për neutralizimin e rrezikut.

Më shumë detaje pritet të bëhen të ditura në vazhdim. Portali ynë do të ju mbajë të informuar me zhvillimet e fundit nga terreni.