Rrahje në autostradë – arrestohet 32 vjeçari

Një përleshje mes dy të rinjve ka ndodhur pasditen e së hënës në autostradën “Dr. Ibrahim Rugova”, në afërsi të Fushë Kosovës, ku njëri nga ta ka përfunduar në duart e Policisë.

Burime të Sinjalit bëjnë të ditur se i dyshuari është Visar Rushiti, i cili dyshohet se ka sulmuar fizikisht Mërgim Morinën rreth orës 17:30.

Pas ndërhyrjes së Policisë dhe konsultimit me prokurorin kujdestar, i dyshuari është intervistuar në praninë e avokatit dhe më pas është ndaluar për 48 orë, nën dyshimin për veprën penale “Sulm”.

Hetimet lidhur me rastin janë duke vazhduar.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.