Fondacionit Besëlidhja i ndalohet aktiviteti humanitar në zonën kufitare

Apel për Ndihmë .

Fondacioni Besëlidhja .

Të dashur bashkatdhetarë, miq e mbështetës,

Jemi të detyruar t’ju drejtohemi me këtë apel publik, pasi
Policia ka ndaluar aktivitetin tonë humanitar në zonën kufitare, me arsyetimin se “kanë aplikuar shumë kompani dhe duhet të lejohen të gjitha ose asnjëra”.

Por ne nuk jemi kompani . Jemi një fondacion humanitar , dhe nuk kemi asnjë qëllim përfitimi – po shpërndajmë ujë falas për bashkatdhetarët që po kthehen në atdhe, si një gjest simbolik falënderimi për të gjithë kontributin humanitar dhe dashurinë që ata sjellin çdo verë në Kosovë.

Çfarë kemi bërë deri tani:

Kemi blerë 9,000 shishe ujë me donacionet e dhuruara nga njerëz e vullnetit të mirë.
Kemi siguruar edhe 1,000 shishe falas , për një total prej 10,000 shishesh uji.
Kemi shpërndarë rreth 3,000 shishe , dhe na kanë mbetur edhe 7,000 , gati për t’u shpërndarë.

Vitine kaluar kemi marrë leje zyrtare dhe e kemi zhvilluar aktivitetin në bashkëpunim me Policinë. Edhe këtë vit kemi kërkuar të njëjtën gjë – ta bëjmë aktivitetin sipas udhëzimeve të policisë, pa penguar punën në kufi, me respekt dhe përgjegjësi të plotë.

I kemi dërguar email ZIMP-it, kemi sqaruar se nuk jemi biznes , por humanitarë – por jemi hasur në vesh të shurdhër .
Tani kemi nevojë për ndihmën tuaj!

Ju lusim – kushdo që ka mundësi të na ndihmojë me kontakte, përkrahje institucionale, përhapje të zërit tonë apo mbështetje publike – na ndihmoni të marrim lejen që na nevojitet për ta përfunduar këtë aksion me dinjitet.

Ky nuk është një aktivitet i thjeshtë – është një shenjë mirënjohjeje për ata që çdo vit sjellin jetë në Kosovë. Bashkë mund ta realizojmë.

Faleminderit nga zemra për çdo përkrahje,

Na shkruani facebook
Fondacioni Besëlidhaj ose nr : 044123549