Kalon 5 tetori, nuk ka paga (VIDEO)

As në ditën e fundit të afatit ligjor, pagat nuk u ekzekutuan për mësimdhënësit. Madje, nuk u paguan as kategoritë që nuk kanë mbajtur grevë, siç janë stafi i shkollës “Shtjefën Gjeçovi”, që mësimin e nisën me 1 shtator, ashtu si edhe punëtorët teknik që nuk e ndalën punën.

Pagat nuk u dolën as drejtorëve të shkollave, që nuk ishin të përfshirë në procesin e grevës. Megjithatë, këtyre iu shkoi kalendari i ri shkollor, ku parashihen zëvendësimet e orëve, e i cili sipas drejtuesve të institucioneve arsimore nuk është praktik.

Kundër angazhimit të fëmijëve edhe në pushime dolën edhe prindërit të cilët kërkuan të gjinden tjera alternativa. Derisa në SBASHK thonë se ky orar i publikuar njëanshëm nuk është i vlefshëm.