Pacolli: Më vjen keq që s’mu dha asnjëherë mundësia ta udhëheq dhe zhvillojë Kosovën

Lideri i AKR-së, Behgjet Pacolli, ka thënë se nuk do të ndalet asnjëherë të punojë për Kosovën.

Pacolli përmes një statusi në Facebook, ka thënë se i vjen ke që s’ka pasur asnjëherë mundësi të udhëheqë e ta zhvillojë Kosovën.

“Një gjë duhet kuptuar. Unë nuk jam në kërkim të pushtetit politik. Jam i ngopur dhe i realizuar në jetë. Jam i ngopur me para, me pozita, me luks e gjëra materiale. Ato që i kam ëndërruar në jetë i kam realizuar. Nuk kam nevojë për xhipa dhe truproje në jetën time. Zoti është mbrojtja ime e vetme. Por unë nuk do të ndalem së punuari për Kosovën edhe pse më vjen keq që mua nuk mu dha asnjëherë mundësia të udhëheqi dhe të zhvilloj Kosovën në mënyrë dinjitoze që askush nuk e ka bërë deri më tani. Po ashtu, nuk do të ndalem së ndihmuari njerëzit në nevojë. Ky jam unë”, ka shkruar ai.