Bastisje në burg nga Shërbimi Korrektues

Sot, në Qendrën Korrektuese të Dubravës është realizuar bastisje e qëllimshme në disa pavijone të institucionit, me qëllim të identifikimit dhe parandalimit të veprimtarive të paligjshme.

Në këtë aksion janë angazhuar 80 oficerë korrektues si dhe Njësia K9 e SHKK-së, të cilët kanë vepruar në mënyrë të koordinuar dhe profesionale gjatë kontrollit të hapësirave të përzgjedhura.

Qëllimi kryesor i bastisjes ishte luftimi i dukurive kontrabanduese, me fokus të veçantë në parandalimin e futjes dhe shpërndarjes së substancave narkotike brenda institucionit.

Gjatë bastisjes nuk është hasur asnjë material i ndaluar apo substancë e jashtëligjshme, çka dëshmon një gjendje të kontrolluar dhe mbikëqyrje efektive brenda pavijoneve të kontrolluara.

Shërbimi Korrektues i Kosovës mbetet i përkushtuar që, përmes veprimeve parandaluese dhe kontrolleve të rregullta, të garantojë sigurinë dhe rendin brenda institucioneve korrektuese, duke mbrojtur integritetin e sistemit korrektues në vend.

Po ashtu, Shërbimi Korrektues i Kosovës falënderon të gjithë të burgosurit për bashkëpunimin dhe qasjen konstruktive gjatë zhvillimit të bastisjes. Kjo sjellje dëshmon pjekuri dhe vetëdije të lartë për rëndësinë e ruajtjes së rendit dhe sigurisë në institucion.

#ShërbimiKorrektuesiKosovës #QKDubravë #Bastisje #LuftaKundërKontrabandës #NjësiaK9 #SiguriaNëInstitucione #Parandalim #Kontroll #profesionalizëm #ministriaedrejtësisë