Ekskluzive: Këta janë dy të arrestuarit për abuzimin seksual të 15-vjeçares

Një rast i rëndë i trafikimit dhe abuzimit seksual me të mitur ka tronditur komunën e Malishevës. Një vajzë vetëm 15 vjeçare, e cila ishte raportuar më herët si person i zhdukur, ka përfunduar viktimë e një rrjeti të dyshuar shfrytëzimi seksual në ambientet e një vile të njohur në këtë komunë.

Sipas burimeve të Gazetës Sinjali, bëhet fjalë për viktimën me inicialet S.A. e cila është gjetur më 25 korrik 2025. Në deklaratën e saj para autoriteteve, ajo ka dhënë informacione që përmbajnë elemente të qarta të veprës penale “Trafikim me njerëz”.

Hetimet janë zhvilluar nga Njësia për Hetimin e Trafikimit me Qenie Njerëzore – Prizren (NJHTQNJ), e cila ka arritur të lokalizojë vendin e ngjarjes: “Villa TINI” në Malishevë. Nga provat e mbledhura është konstatuar se viktima kishte qëndruar në këtë lokacion bashkë me dy persona të rritur, tashmë të arrestuar.

Të dyshuarit janë: Besjon Zogaj, rreth 20-vjeçar, – i dyshuar për veprën penale “Trafikim me njerëz”, dhe Liridon Bajraktari, rreth 33-vjeçaR – i dyshuar për veprën “Shërbime seksuale me viktimën e trafikimit”.

Të dy janë intervistuar në prani të avokatëve mbrojtës, ndërsa me vendim të Prokurorit Kujdestar të Departamentit për Krime të Rënda, janë ndaluar për 48 orë dhe po mbahen në Qendrën e Ndalimit në Stacionin Policor të Prizrenit.

Prokuroria ka nisur procedurat për ngritje të kallëzimeve penale për veprat e rënda që lidhen me trafikimin dhe shfrytëzimin seksual të të miturve. Hetimet janë në vijim për të identifikuar nëse në këtë rast janë të përfshirë edhe persona të tjerë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.c