Podujevë: Stadiumi “Zahir Pajaziti” do të rinovohet me investim prej 1.9 milionë euro
Stadiumi “Zahir Pajaziti” do të rinovohet me një investim prej 1.9 milionë euro!
Podujeva pritet të marrë një investim të madh në infrastrukturën sportive, pasi stadiumi “Zahir Pajaziti” do të rinovohet me kushte moderne që plotësojnë standardet ndërkombëtare. Projekti do të përfshijë mbulimin e të gjitha tribunave dhe instalimin e ndriçimit të fushës sipas standardeve të UEFA-s (Kategoria 3).
Ky investim kap vlerën e 1.9 milionë eurove dhe synon të krijojë kushte më të mira për zhvillimin e ndeshjeve dhe aktiviteteve sportive në qytet, duke u shërbyer sportistëve, klubeve dhe tifozëve të Podujevës.
Lajmin për këtë projekt e ka bërë të ditur kryetari i Komunës së Podujevës, i cili ka falënderuar Kryeministrin Albin Kurti, Ministrin e Kulturës, Rinisë dhe Sportit Hajrullah Çeku dhe Qeverinë e Kosovës për mbështetjen e dhënë.
