Bajrami: Importi i energjisë u rrit për 800% në qershor
Shefja e Grupit Parlamentar të Lidhjes Demokratike të Kosovës, Hykmete Bajrami, ka ngritur shqetësime për mënyrën se si po menaxhohet furnizimi me energji elektrike në vend.
Në një deklarim publik, Bajrami ka theksuar se vetëm gjatë muajit qershor, importi i energjisë është rritur për 800% krahasuar me muajin maj.
Ajo ka theksuar se rritja e qarkullimit financiar vjen si pasojë e çmimeve shumë më të larta në blerjet nga tregu i jashtëm.
“Në qershor të këtij viti importi i energjisë është rritë për 800% krahasuar me muajin maj. Qarkullimi është rritë në qershor gjithashtu sepse derisa 1MWh që KESCO e blen prej KEK-ut kushton vetëm 29.6 Euro, kur KESCO blen nga NOA e të tjerët çmimi mundet me qenë dhjetëra herë me i lartë”.
