Përplasen babë e bir – 23 vjeçari sulmon babain

Një rast dhune në familje është regjistruar në orët e para të mëngjesit të së dielës në rrugën “Fan Noli” në Prishtinë, ku një përplasje mes babë e bir ka përfunduar me ndërhyrjen e Policisë.

Burime të Sinjalit bëjnë me dije se pas orës 04:00, I. H. ka raportuar në Polici se është sulmuar fizikisht nga djali i tij, D. H., pas një mosmarrëveshjeje familjare.

Sipas të dhënave, viktima nuk ka pësuar lëndime trupore dhe nuk ka pasur nevojë për trajtim mjekësor.

Megjithatë, për shkak të natyrës së rastit, është njoftuar Prokurori i Shtetit, i cili ka urdhëruar që rasti të iniciohet si “Dhune në familje”.

Rasti është në hetim nga autoritetet përkatëse.