Asfaltohen rrugët në këtë fshat të Podujevës
Drejtori i Planifikimit Urban dhe Mbrojtje e Mjedisit, Leutrim Krasiniqi, sot gjatë ditës ka vizituar punimet që po zhvillohen në asfaltimin e rrugëve në lagje të ndryshme në fshatin Llugë.
Drejtori Krasniqi u shpreh se vetëm gjatë këtij viti janë planifikuar të asfaltohen rrugë mbi 40 kilometra në të gjithë territorin e Komunës së Podujevës, ndërsa kjo kontratë që po zbatohet tash është në gjatësi prej 3.4 km.
Drejtori Krasniqi i uroj banorët për realizimin e këtyre projekteve dhe u zotua që do të angazhohet maksimalisht në realizimin e secilit projekt të planifikuar për këtë vit, duke uruar që edhe kushtet atmosferike të jenë të favorshme dhe të realizohen të gjitha projektet e planifikuara.
